Një 16-vjeçar mësohet se ka ndërruar jetë ditën e sotme në kryeqytet, pasi ka humbur ndjenjat te pallati i sportit “Asllan Rusi”.
Burime nga vendngjarja kanë treguar për “Panorama Sport” se i ndjeri ishte spektator në një ndeshje të rinjsh dhe ka festuar pas përfundimit të saj me shokët e tij në parket.
Ai është ndjerë keq dhe është rrëzuar në tokë, për t’u shoqëruar më pas jashtë pallatit të sportit.
16-vjeçarin e kanë nisur drejt spitalit, ku më pas është ndarë nga jeta.
Paraprakisht dyshohet se adoleshenti ka pësuar arrest kardiak.
Njoftimi i policisë
Sot më datë 24.02.2024, rreth orës 15:00, te pallati i sportit “Asllan Rusi”, një 16-vjeçar duke parë një ndeshje basketbolli, ka humbur ndjenjat dhe është rrëzuar në fushë, dhe më pas ka ndërruar jetë në spital.
Paraprakisht dyshohet se 16-vjeçari ka pësuar arrest kardiak.
Grupi hetimor po punon për sqarimin e rrethanave të ngjarjes.
