Zëdhënësja e Antikorrupsionit në Partinë Demokratike, Genta Vangjeli, ka akuzuar Delina Fico, drejtoreshën e Programeve të Shoqërisë Civile, për abuzime me fondet e USAID dhe DASH. Ajo ka kërkuar që organet përkatëse të fillojnë një hetim mbi veprimtarinë e Ficos dhe përdorimin e fondeve nga OJF-të që ajo drejton në Shqipëri dhe jashtë saj.
PD e akuzon Ficon për përfitime të konsiderueshme financiare, duke theksuar rrogën e saj, që ka arritur vlerën më të lartë në vitin 2017 me 129 mijë dollarë dhe 126 mijë dollarë në vitin 2023. Instituti i menaxhimit lindje-perëndim, ku Fico ka mbajtur pozita drejtuese, ka zbatuar projekte të rëndësishme, përfshirë ato të financuara nga USAID dhe Departamenti i Shtetit. Përveç kësaj, PD ka nxjerrë në pah lidhjet e Ficos me një rrjet OJF-esh të lidhura me Sorosin, që kanë përfituar gjithashtu fonde të shumta publike.
Genta Vangjeli ka kërkuar që aktivitetet e Delina Ficos të hetohen nëse janë zhvilluar në mënyrë të ligjshme dhe për të verifikuar deklarimet e saj financiare pranë ILDKPI.
Denoncimi:
“Delina Fico, Drejtoresha e programeve të Shoqërisë Civile në institutin e menaxhimit lindje – perëndim duket se ka përfituar rrogë të ndryshueshme por që arrin vlerat më të larta në vitin 2017 me rreth 129 mijë dollarë dhe në vitin 2023 me rreth 126 mijë dollarë.
Ky institut ka regjistruar 6 projekte për Shqipërinë ndër të cilët veçojmë:
1. Projekti 5-vjeçar (2016- 2021) 10.5 milion dollarë ‘Justice for all’ që lidhej me reformën në drejtësi
