Kreu i Partisë Demokratike, Sali Berisha, deklaroi se gjatë protestës është ushtruar dhunë ndaj protestuesve dhe akuzoi kryeministrin Edi Rama për urdhërimin e ndërhyrjes policore.
Ai u shpreh se protesta do të vijojë dhe se, sipas tij, asnjë mjet force nuk do ta ndalë lëvizjen e opozitës. Në deklaratën e tij, Berisha paralajmëroi se protestuesit mund të zhvendosen drejt Surrelit, ku ndodhet banesa e kryeministrit.
Situata në kryeqytet ka qenë e tensionuar gjatë gjithë mbrëmjes, me përplasje të herëpashershme mes protestuesve dhe forcave të rendit.
