Një ngjarje e rëndë është shënuar në fshatin Vadardhe të Sukthit, ku një 23-vjeçare me inicialet F.T. ka humbur jetën pasi dyshohet se ka konsumuar lëndë helmuese, fostoksinë.
Sipas njoftimit të Policisë, e reja është transportuar fillimisht në Spitalin Rajonal të Durrësit dhe më pas është nisur drejt QSUT-së për trajtim të specializuar. Pavarësisht përpjekjeve të mjekëve, ajo nuk ka mundur të mbijetojë.
Burime bëjnë me dije se 23-vjeçarja nuk kishte shprehur më herët shqetësime tek familjarët, ndërsa hetimet janë në vijim për të sqaruar rrethanat dhe shkaqet e ngjarjes.
Policia konfirmoi se rasti po trajtohet për zbardhjen e plotë të situatës.
