Gjykata Kushtetuese ka shpallur vendimin lidhur me padinë për pagat e gjyqtarëve, duke pranuar pjesërisht kërkesën e paraqitur nga përfaqësuesit e trupës gjyqësore.
Sipas vendimit, Gjykata ka vlerësuar se çështja kërkon ndërhyrje ligjore dhe i ka lënë detyrë Kuvendit që të ndërmarrë ndryshimet e nevojshme në legjislacion për të adresuar problematikat e ngritura.
Padia ishte depozituar nga Unioni i Gjyqtarëve dhe Shoqata Kombëtare e Gjyqtarëve, të cilat kundërshtuan mënyrën e përcaktimit të pagave. Nga ana tjetër, qeveria e kishte kundërshtuar kërkesën, duke argumentuar se rregullimi aktual është në përputhje me kuadrin ligjor në fuqi.
Vendimi i Kushtetueses pritet të pasohet nga diskutime dhe iniciativa konkrete në Kuvend për rishikimin e dispozitave përkatëse.
