Deputeti i PD-së, Tomorr Alizoti, deklaroi se gjatë takimeve në Mynih, Berlin dhe Shtutgart me përfaqësues të CDU, u diskutua për situatën politike në Shqipëri dhe perceptimin negativ ndaj qeverisë.
Sipas tij, deklaratat e kryeministrit për Gjermaninë janë absurde, pasi Berlini konsiderohet vend kyç për procesin e integrimit në BE. Alizoti tha se në takime është shprehur shqetësim për korrupsionin, lidhjet e krimit me politikën dhe mbrojtjen që, sipas tij, po i bëhet zyrtarëve të akuzuar.
Ai theksoi se për partnerët gjermanë është e papranueshme çdo ndërhyrje apo pengesë ndaj drejtësisë dhe se klima aktuale rrezikon imazhin dhe perspektivën europiane të Shqipërisë.
