Situata para Kryeministrisë u përshkallëzua mbrëmjen e së shtunës, kur gjatë protestës u hodhën molotovë dhe policia ndërhyri me gaz lotsjellës për të shpërndarë turmën.
Si pasojë e përplasjes, raportohen dy protestues të lënduar, si dhe disa efektivë të policisë. Gazi lotsjellës shkaktoi vështirësi në frymëmarrje për disa persona, mes tyre edhe gazetarë që po raportonin nga vendngjarja.
Një qytetar u ndje keq dhe u transportua me ambulancë për të marrë ndihmën e nevojshme mjekësore. Autoritetet po monitorojnë situatën dhe pritet një bilanc më i plotë në vijim.
