Selia e Shenjtë ka publikuar një buletin të ri mbi gjendjen shëndetësore të Papës, duke njoftuar se ajo vazhdon të jetë e qëndrueshme dhe se përmirësimet e shënuara gjatë ditëve të fundit janë konsoliduar më tej.
Selia e Shenjtë ka publikuar një buletin të ri mbi gjendjen shëndetësore të Papës, duke njoftuar se ajo vazhdon të jetë e qëndrueshme dhe se përmirësimet e shënuara gjatë ditëve të fundit janë konsoliduar më tej. Ky progres është konfirmuar nga analizat e gjakut, vlerësimet klinike dhe përgjigjja pozitive ndaj terapisë medikamentoze. Për këtë arsye, mjekët kanë vendosur të shpallin fundin e prognozës (mjekët nuk e konsiderojnë më situatën si kritike).
Megjithatë, për shkak të kompleksitetit të gjendjes së tij shëndetësore dhe infeksionit të rëndësishëm me të cilin u shtrua në spital, Papa do të vijojë trajtimin mjekësor për disa ditë të tjera në një mjedis të mbrojtur spitalor.
Burime pranë Vatikanit sqarojnë se vendimi për të shpallur fundin e prognozës tregon se nuk ka një rrezik të menjëhershëm për jetën e Papës për shkak të infeksionit për të cilin u shtrua në spital. Megjithatë, gjendja e tij mbetet e ndërlikuar, duke pasur parasysh moshën e tij dhe rreziqet e tjera shëndetësore. Për këtë arsye, ai duhet të vijojë trajtimin në spital nën mbikëqyrje të rreptë mjekësore.
Burimet e Vatikanit theksojnë se vendimi për të shpallur fundin e prognozës nuk është çështje e një numri të caktuar ditësh, por lidhet më shumë me qëndrueshmërinë e gjendjes shëndetësore të Papës. Megjithatë, gjithçka do të varet nga zhvillimi i mëtejshëm i situatës.
