Komiteti Ekzekutiv i Federatës Shqiptare të Futbollit zhvilloi sot mbledhjen e parë për vitin 2026, nën drejtimin e Presidentit Armand Duka.
Një nga pikat kryesore të rendit të ditës ishte organizimi i Asamblesë së Përgjithshme të Zakonshme Zgjedhore të FSHF-së. Në përputhje me statutin, Komiteti Ekzekutiv vendosi që Asambleja të mbahet më 16 shkurt 2026, në orën 10:00, në ambientet e Shtëpisë së Futbollit.
Gjatë kësaj Asambleje do të zhvillohet procesi zgjedhor për Presidentin e FSHF-së dhe anëtarët e Komitetit Ekzekutiv, të cilët do të ushtrojnë mandatin e ardhshëm katërvjeçar.
Federata bën me dije se i gjithë procesi do të zhvillohet në përputhje të plotë me dispozitat statutore dhe rregulloret në fuqi, duke garantuar transparencë dhe korrektësi institucionale.
