Presidenti i SHBA-së, Donald Trump, deklaroi se Iran mund të kontaktojë drejtpërdrejt Shtetet e Bashkuara nëse dëshiron të negociojë përfundimin e konfliktit mes dy vendeve.
Në një intervistë për Fox News, Trump theksoi se kanalet e komunikimit janë të hapura dhe të sigurta për çdo iniciativë diplomatike.
“Nëse duan të flasin, mund të vijnë tek ne ose të na telefonojnë… kemi linja të mira dhe të sigurta,” u shpreh ai, duke shtuar se beson që lufta mund të përfundojë “shumë shpejt” dhe me një rezultat në favor të SHBA-së.
Ai u shpreh gjithashtu se disa nga përfaqësuesit iranianë janë “të arsyeshëm”, ndërsa të tjerë jo, duke theksuar se pret që Teherani të tregojë “zgjuarsi” në vijim.
Presidenti amerikan nuk kurseu kritikat ndaj NATO, duke pretenduar se aleanca nuk ka qenë në krah të SHBA-së për çështjen iraniane. Ai përmendi edhe United Kingdom, duke shprehur pakënaqësi për qëndrimin e saj në lidhje me përfshirjen në konflikt.
Në fund, Trump theksoi se një nga kërkesat kryesore të SHBA-së në negociata do të jetë marrja nën kontroll e rezervave të uraniumit të Iranit, si pjesë e një marrëveshjeje të mundshme për përfundimin e luftës.
