Shirat e rrëmbyeshëm kanë shkaktuar përmbytje masive dhe rrëshqitje toke në shtetin brazilian të Minas Gerais, duke lënë të paktën 46 persona të vdekur, dhjetëra të zhdukur dhe mijëra të zhvendosur.
Qytetet Ubá dhe Juiz de Fora janë ndër zonat më të prekura. Rrugët mbeten të mbuluara nga balta dhe mbeturinat, ndërsa niveli i ujit në disa zona ka arritur deri në dy metra, duke shkaktuar dëme të mëdha në banesa, biznese dhe automjete.
Ekipet e shpëtimit vijojnë operacionet në terrene të paqëndrueshme, por autoritetet paralajmërojnë se reshje të tjera priten gjatë javës, duke rritur rrezikun për përkeqësim të situatës.
Mijëra banorë janë detyruar të braktisin shtëpitë, ndërsa kjo fatkeqësi i shtohet serisë së ngjarjeve ekstreme të motit që kanë goditur Brazilin vitet e fundit.
