Ka nisur në Pallatin e Brigadave mbledhja e Grupit Parlamentar të Partisë Socialiste, ku pritet të vendoset qëndrimi përfundimtar i mazhorancës lidhur me kërkesën e SPAK për marrjen e autorizimit nga Kuvendi për arrestimin e Belinda Ballukut.
Mbledhja ka nisur në orën 11:00, ndërsa kreu i grupit parlamentar, Taulant Balla, ka njoftuar ndryshim në formatin e raportimeve.
Sipas Ballës:
- Çdo ministër do të raportojë jo më shumë se 7 minuta.
- Pyetjet nga deputetët do të jenë maksimumi 2 minuta për secilin.
Një ditë më parë, pas mbledhjes së Këshillit të Mandateve dhe Imunitetit, Balla paralajmëroi se do të ishte pikërisht kjo mbledhje që do të përcaktonte qëndrimin e socialistëve për kolegen e tyre.
Tashmë mbetet për t’u parë nëse mazhoranca do t’i hapë rrugë kërkesës së SPAK apo do të mbajë një qëndrim tjetër në raport me çështjen Balluku.
