Presidenti i Këshilli Evropian, Antonio Costa, ka nisur sot një tur diplomatik në gjashtë vendet e Ballkanit Perëndimor, me fokus forcimin e bashkëpunimit rajonal dhe avancimin e procesit të integrimit europian.
Vizita e tij ka filluar në Bosnjë dhe Hercegovinë, ku do të zhvillojë takime me drejtuesit më të lartë institucionalë të vendit.
Më 2 qershor, Costa pritet të mbërrijë në Tiranë, ku në axhendën e tij janë parashikuar takime me kryeministrin Edi Rama dhe presidentin Bajram Begaj.
Gjatë qëndrimit në kryeqytetin shqiptar, Presidenti i Këshillit Europian do të zhvillojë gjithashtu një bashkëbisedim me studentët e Kolegji i Evropës, duke diskutuar mbi perspektivën europiane të rajonit dhe rolin e të rinjve në proceset integruese.
Më 3 qershor, Costa do të vizitojë Prishtinë, ku do të takohet me drejtuesit institucionalë të Kosovës dhe përfaqësues të partive politike.
Turi diplomatik do të përfundojë në Mali i Zi, ku më 5 qershor do të mbahet Samiti BE–Ballkani Perëndimor. Në qendër të diskutimeve do të jetë tema “Prosperiteti dhe stabiliteti i përbashkët i Bashkimit Europian dhe Ballkanit Perëndimor”, me synimin për të forcuar bashkëpunimin ekonomik, politik dhe të sigurisë mes rajonit dhe BE-së.
