Analisti Alfred Lela Muçollari ka reaguar lidhur me raportin e fundit të IBAR dhe procesin e integrimit të Shqipërisë në Bashkimi Europian, duke akuzuar kryeministrin Edi Rama se po shmang qëllimisht debatet mbi kushtet e vendosura nga Brukseli.
Sipas tij, pas publikimit të raportit ku kërkohet forcimi i luftës kundër korrupsionit, krimit të organizuar, garantimi i zgjedhjeve të lira dhe respektimi i pavarësisë së drejtësisë, kryeministri nuk ka bërë asnjë koment konkret mbi këto çështje.
“Ai nuk flet për asnjërën prej tyre. Ka orë të tëra live në dorë, por hesht për kushtet dhe vetëm sulmon opozitën”, shprehet Muçollari.
Analisti thekson se një kryeministër i përgjegjshëm do të duhej të dilte publikisht për të garantuar angazhim ndaj reformave të kërkuara nga partnerët europianë.
Sipas tij, Edi Rama duhet të deklaronte qartë se do të luftojë korrupsionin, bandat kriminale, do të respektojë Kushtetutën, vendimet e Gjykatës Kushtetuese dhe do të garantojë zgjedhje të lira e të ndershme.
“Duhej të premtonte se nuk do të mbrojë korrupsionin me vota në Kuvend, se do të ndalojë patronazhistët dhe përdorimin e administratës për presion elektoral”, vijon reagimi.
Alfred Lela Muçollari argumenton se mungesa e reflektimit nga qeveria tregon se integrimi europian po përdoret më shumë si instrument propagande politike sesa si objektiv real reformash.
“Asnjë reflektim, vetëm sharje dhe sulme ndaj opozitës. Ndaj Edi Rama është kërcënimi më i madh për integrimin europian”, përfundon ai.
