Special Court Against Corruption and Organized Crime ka rrëzuar kërkesën e SPAK për pushimin e çështjes ndaj gjyqtares Irena Gjoka, duke i kthyer dosjen Prokurorisë së Posaçme dhe duke urdhëruar kryerjen e hetimeve të plota brenda një afati gjashtëmujor.
Pas seancës, avokati Genc Gjokutaj deklaroi se gjykata ka konstatuar mungesë të theksuar hetimesh nga ana e SPAK-ut dhe i ka lënë këtij institucioni mbi 20 detyra konkrete hetimore për t’u përmbushur.
“Gjykata konstatoi se SPAK-u nuk kishte kryer as hetimet më elementare. Janë mbi 20 detyra që duhet të kryhen për të zbuluar të vërtetën”, u shpreh Gjokutaj.
Sipas tij, ndër veprimet që mungonin ishin marrja në pyetje e kallëzuesve, verifikimet pranë institucioneve të qeverisjes së gjyqësorit dhe kontrolli i të dhënave nga pikat kufitare.
Avokati pretendoi gjithashtu se edhe procedura e marrjes në pyetje të gjyqtares Gjoka ishte kryer në mënyrë të parregullt, pasi procesverbali nuk ishte firmosur nga oficeri i policisë gjyqësore.
Gjokutaj akuzoi Prokurorinë e Posaçme se ishte përpjekur të mbyllte çështjen pa kryer hetimet e nevojshme.
“SPAK-u, me një të rënë të lapsit, u mundua të fshehë të vërtetën”, deklaroi ai.
Sipas avokatit, vendimi i gjykatës përbën një hap të rëndësishëm për hetimin e plotë të çështjes dhe për garantimin e integritetit të sistemit të drejtësisë dhe të vetë Gjykatës së Posaçme.
