Presidenti i Serbi, Aleksandar Vučić, ka deklaruar se situata e sigurisë në vend është bërë më komplekse, duke fajësuar zhvillimet dhe aktivitetet në rajon.
Në një reagim publik, ai përmendi drejtpërdrejt Prishtinë, Tiranë dhe Zagreb, duke i cilësuar si pjesë e një “aleance ushtarake” që, sipas tij, ka ndikuar në rritjen e tensioneve.
Sipas Vuçiç, pavarësisht këtyre zhvillimeve, Serbia do të vijojë të mbetet e përkushtuar ndaj ruajtjes së paqes dhe stabilitetit, duke theksuar se kjo mund të arrihet vetëm përmes forcimit të kapaciteteve të saj shtetërore dhe ushtarake.
Ai bëri të ditur gjithashtu se ka propozuar një strategji për modernizimin e Forcave të Armatosura, e cila përfshin përdorimin e teknologjive të avancuara si dronë sulmues, platforma robotike dhe municione të tipit “fluturues”.
Plani parashikon edhe trajnimin e njësive speciale për zbulim dhe koordinim të objektivave, si dhe zgjerimin e përdorimit të dronëve në operacionet ushtarake.
Deklaratat e Vuçiç vijnë në një moment tensionesh të vazhdueshme në rajon, ndërsa retorika politike për sigurinë dhe mbrojtjen mbetet një nga temat kryesore në marrëdhëniet ndërmjet vendeve të Ballkanit.
