Moti i kthjellët dhe temperaturat e larta kanë sjellë një fluks të madh qytetarësh drejt Vlorë këtë fundjavë, duke krijuar trafik të rënduar në rrugët kryesore të qytetit.
Qindra pushues nga zona të ndryshme të vendit kanë zgjedhur të kalojnë të dielën në bregdet, duke u drejtuar jo vetëm plazheve të Vlorës, por edhe zonave turistike në jug.
Si pasojë e numrit të lartë të automjeteve, janë krijuar radhë dhe vonesa në disa segmente rrugore, ndërsa qarkullimi ka qenë i ngarkuar gjatë gjithë ditës.
Autoritetet u kanë bërë thirrje drejtuesve të mjeteve të tregojnë kujdes dhe të respektojnë rregullat e qarkullimit rrugor, për të shmangur aksidentet dhe për të lehtësuar lëvizjen.
Atmosfera verore ka gjallëruar ndjeshëm qytetin, duke rikthyer ndjesinë e sezonit turistik edhe pse jemi ende në fillim të pranverës.
