Presidenti ukrainas Volodymyr Zelenskyy deklaroi se është i gatshëm të takohet me Vladimir Putin për bisedime paqeje, duke theksuar se do të bëjë gjithçka për t’i dhënë fund luftës.
Në një intervistë për Sky News, ai u shpreh se Shtetet e Bashkuara kanë fuqinë për ta ndalur konfliktin, por duhet të rrisin presionin ndaj Moskës përmes sanksioneve më të ashpra dhe mbështetjes ushtarake më të avancuar për Ukrainën.
Zelensky theksoi se ekziston një “dritare mundësie” për paqe në muajt e ardhshëm, ndërsa negociatat mes palëve mbeten të vështira për çështje kyçe si territori në Donbas dhe statusi i centralit bërthamor të Zaporizhzhisë.
