Presidenti i SHBA-së, Donald Trump, ka hequr të drejtën për akses në informacione të klasifikuara për ish-rivalet e tij demokrate, Kamala Harris dhe Hillary Clinton, si dhe për një sërë ish-zyrtarësh të lartë, sipas BBC.
Masa vjen pas vendimit të Trump në shkurt për të revokuar lejen e sigurisë për paraardhësin e tij, Joe Biden, si dhe për “çdo anëtar tjetër” të familjes Biden. Në një memorandum, Trump deklaroi se këta individë nuk duhet të kenë më qasje në informacione të ndjeshme, duke e konsideruar këtë veprim në interes të sigurisë kombëtare.
Në listën e atyre që humbën aksesin janë edhe ish-sekretari i Shtetit, Antony Blinken, ish-ligjvënësit republikanë Liz Cheney dhe Adam Kinzinger, si dhe ish-këshilltarja për çështjet ruse, Fiona Hill. Emra të tjerë përfshijnë Jake Sullivan, Lisa Monaco, Mark Zaid, Norman Eisen, Letitia James, Alvin Bragg, Andrew Weissmann dhe Alexander Vindman.
