Një lajm i trishtë ka prekur ndjekësit e “Big Brother”. Mickey Lee, banorja e njohur e sezonit të 27-të të edicionit amerikan të reality-show-t, është ndarë nga jeta në moshën 35-vjeçare, pas komplikacioneve shëndetësore të shkaktuara nga gripi.
Familjarët e saj e kujtuan Mickey Lee si një shpirt të lirë, plot energji dhe autenticitet, e cila fitoi zemrat e publikut me sinqeritetin dhe pozitivitetin e saj gjatë qëndrimit në shtëpi.
“Ajo do të mbahet mend për gëzimin që u dhuroi të gjithëve”, thuhet në mesazhin e familjes.
Lajmi i ndarjes së saj nga jeta ka shkaktuar reagime të shumta edhe nga ish-konkurrentë të programit. Bayleigh Pelham u shpreh se humbja e saj është tronditëse dhe se Mickey kishte një dritë të veçantë që e ndante me të gjithë. Edhe Mecole Hayes e cilësoi ndarjen e saj si një humbje të madhe, ndërsa Rachel Reilly përcolli ngushëllime për familjen dhe miqtë e saj.
Mickey Lee do të kujtohet nga publiku si një figurë e dashur e reality-show-t, që la gjurmë me karakterin dhe energjinë e saj pozitive.
