Debatet kanë vazhduar për orë të tëra në Komisionin Hetimor të Shëndetësisë, ku dëshmia e ish-ministrit të Shëndetësisë, Ilir Beqaj, është bllokuar.
Arsyeja është insistimi i opozitës që në komision të thirren gjithashtu Vilma Nushi dhe kryeministri Edi Rama për të dhënë dëshmi. Përplasjet dhe akuzat mes opozitës dhe mazhorancës çuan në ndërprerjen e mbledhjes nga kryetarja e Komisionit.
Mbledhja pritet të rinisë pas mbledhjes së Konferencës së Kryetarëve, ku do të shqyrtohet kërkesa e opozitës për zgjatjen e afatit të komisionit. Opozita kërkon më shumë kohë për të zhvilluar hetimet dhe për të përfshirë dëshmitarë të tjerë, të cilët ata i konsiderojnë të rëndësishëm për çështjen
