Në Gjykata e Posaçme kundër Korrupsionit dhe Krimit të Organizuar po zhvillohet seanca e radhës për dosjen e njohur si Sterilizimi, një nga çështjet më të rëndësishme të hetuara nga drejtësia shqiptare.
Gjatë seancës, ish-ministri i Shëndetësisë, Ilir Beqaj, ka kërkuar që të mos qëndrojë në kafazin e xhamtë gjatë procesit gjyqësor, duke e konsideruar këtë masë të panevojshme.
Trupa gjykuese është tërhequr për të marrë një vendim lidhur me këtë kërkesë.
Ndërkohë, avokatët mbrojtës të Beqajt kanë paraqitur edhe një kërkesë për pushimin e çështjes, për të cilën gjithashtu pritet që gjykata të shprehet.
Seanca vijon në një klimë debati për standardet e procesit dhe trajtimin e të pandehurve në sallën e gjyqit, çështje që është kthyer në temë të diskutuar gjerësisht edhe në raste të tjera të ngjashme.
