Udhëheqësi suprem i Iranit, Mojtaba Khamenei, raportohet se po kalon një periudhë rikuperimi pas plagëve të rënda të marra gjatë një sulmi ajror në fillim të konfliktit të fundit në rajon.
Sipas Reuters, burime pranë rrethit të tij të ngushtë bëjnë me dije se Khamenei ka pësuar dëmtime serioze në fytyrë, që dyshohet se kanë shkaktuar shpërfytyrim, si dhe lëndime të rënda në këmbë. Megjithatë, ai mbetet në gjendje të mirë mendore dhe vijon të jetë aktiv në drejtimin e çështjeve shtetërore.
Raportohet se 56-vjeçari po merr pjesë në takime me zyrtarë të lartë përmes komunikimeve audio, duke ndikuar në vendimmarrje për çështje strategjike, përfshirë zhvillimet ushtarake dhe negociatat me Shtetet e Bashkuara.
Gjendja e tij shëndetësore ka marrë rëndësi të veçantë në një moment kritik për Iranin, ndërsa vendi përballet me tensione të larta dhe përgatitet për bisedime të rëndësishme paqeje në Islamabad.
Zhvillimet e fundit pritet të kenë ndikim të drejtpërdrejtë në stabilitetin e brendshëm dhe në dinamikat e negociatave ndërkombëtare në ditët në vijim.
