Kryeministri Edi Rama ka mbledhur ministrat në Kryeministri për të diskutuar vijimin e detyrave të lëna në janar dhe hartimin e planit të punës për vitin 2026 për çdo dikaster.
Gjatë mbledhjes është vendosur shkarkimi i Mirlinda Karçanajt, e cila ndodhet në arrest shtëpie. Në vend të saj është emëruar Igli Tafa.
Takimi zhvillohet në një klimë të tensionuar politike, mes përplasjeve të qeverisë me drejtësinë dhe pikëpyetjeve për lëvizje të tjera të mundshme në kabinet. Në mbledhjen e fundit në Vilën Qeveritare në Sauk, çdo ministër kishte 10 minuta për të paraqitur bilancin dhe objektivat e institucionit që drejton.
