Kryeministri Edi Rama u shfaq në krah të Kryeinspektorit të Përgjithshëm, ish-deputetit të PD-së Dashnor Sula, gjatë prezantimit të fazës së re të reformës së sistemit të inspektimeve.
Rama vlerësoi formimin juridik të Sulës, por kujtoi edhe përplasjet e tyre në Parlament, duke e cilësuar emërimin si një sfidë personale. Ai theksoi se tani është momenti që Sula të kalojë nga kritikat në teori tek zbatimi në praktikë.
“Tani të shohim si do t’i bëjë detyrat për të cilat nuk na ka lënë gjë pa thënë,” u shpreh Rama, duke shtuar se kalimi nga politika në administratë kërkon përgjegjësi dhe rezultate konkrete.
