Sot u mbajt protesta e pestë qytetare kundër projektit të resortit në Zvërnec, ku mijëra qytetarë u mblodhën në Tiranë për të kundërshtuar ndërtimet në zonën e mbrojtur.
Gjatë protestës, pjesëmarrësit shpalosën pankarta dhe mesazhe që kërkonin ruajtjen e karakterit qytetar të lëvizjes. Një prej pankartave më të komentuara ishte ajo ku kërkohej largimi i Arlind Qorit, Agron Shehajt dhe Adriatik Lapajt nga protesta, me pretendimin se forcat e tyre politike po përpiqen të përfitojnë politikisht nga kauza.
“Largoni partiçkat e Ramës që duan të marrin zvarrë protestën”, shkruhej në pankartën e mbajtur nga protestuesit, të cilët theksuan se protesta duhet të mbetet e pavarur nga partitë politike dhe interesat elektorale.
Qytetarët deklaruan se kauza për mbrojtjen e Zvërnecit është mbi interesat partiake dhe se nuk do të lejojnë që protesta të përdoret për përfitime politike nga asnjë forcë apo figurë publike.
