Janë publikuar pamje nga aksidenti i rëndë i ndodhur gjatë ditës së sotme pranë rrethrrotullimit të TEG-ut, ku një person humbi jetën dhe një tjetër mbeti i plagosur.
Sipas informacioneve paraprake, në aksident janë përfshirë një automjet tip “Audi” dhe një betoniere. Pas përplasjes, mjeti i tonazhit të rëndë ka dalë nga rruga dhe ka rënë nga një lartësi.
Si pasojë e aksidentit, drejtuesi i betonieres ka humbur jetën në vendngjarje, ndërsa drejtuesi i automjetit “Audi” është transportuar në spital, ku ndodhet nën kujdesin e mjekëve. Sipas të dhënave paraprake, gjendja e tij paraqitet e qëndrueshme.
Pamjet e publikuara tregojnë dëmtimet e konsiderueshme të automjetit pas përplasjes.
Policia ndodhet në vendngjarje dhe po kryen veprimet hetimore për të përcaktuar shkaqet dhe rrethanat e plota të aksidentit.
