Gjatë protestës së 29-të kundër qeverisë në Tiranë, një prej pjesëmarrësve njoftoi organizimin e një proteste mbarëkombëtare më 4 korrik, duke u bërë thirrje qytetarëve të marrin pjesë.
Në fjalën e tij, ai theksoi se data 4 korrik përkon me Ditën e Pavarësisë së Shteteve të Bashkuara, të cilat i cilësoi si “aleati më i madh” i Shqipërisë.
“4 korriku, ditë e shtunë, protestë mbarëkombëtare. Data 4 korrik është edhe Dita e Pavarësisë së Shteteve të Bashkuara, aleatit tonë më të madh. Ne i përgjigjemi Ramës: ‘Rama, jep dorëheqjen’”, deklaroi ai.
Protestuesi shtoi gjithashtu se në protestën e planifikuar për ditën e nesërme pritet të marrin pjesë europarlamentarë, duke deklaruar se ata do t’u drejtohen të pranishmëve me fjalime.
Deklaratat e bëra gjatë protestës përfaqësojnë qëndrimet e folësit dhe organizatorëve dhe nuk janë konfirmuar në mënyrë të pavarur.
