Ish-deputeti i Partia e Lirisë, Petrit Vasili, ka reaguar ashpër ndaj qeverisë, duke e cilësuar situatën aktuale si një “vdekje të paralajmëruar” të modelit të saj të qeverisjes.
Sipas tij, rasti i ish-zëvendëskryeministres Belinda Balluku përbën një pikë kthese, që sipas tij tregoi se iluzionet për funksionimin e drejtësisë në vend kanë marrë fund.
Vasili akuzoi kryeministrin Edi Rama se ka vepruar me bindjen se mund të kontrollojë institucionet dhe të ndikojë mbi shtetin ligjor, duke cenuar të drejtat themelore të qytetarëve.
Ai theksoi se qëndrimet kritike nga Bashkimi Evropian dhe veçanërisht nga Gjermania nuk janë të izoluara, por përfaqësojnë standardet që kërkohen nga vendet aspirante për anëtarësim.
Sipas Vasilit, përpjekjet për ta paraqitur situatën si konflikt me vende të veçanta janë thjesht propagandë, ndërsa problemi, sipas tij, qëndron te mënyra e qeverisjes dhe niveli i korrupsionit.
Ai shtoi se zhvillimet e fundit tregojnë një përballje të pashmangshme me realitetin, ndërsa reforma në drejtësi, sipas tij, ka humbur besueshmërinë dhe nuk po jep rezultatet e pritura.
