Salvadore Di Tellas është lënë në burg pasi ditë më parë aksidentalisht përplasi për vdekje me “Jet Ski”, kunatin e tij italian.
Gjykata ka caktuar 50 ditë arrest në burg për 20-vjeçarin italian i cili akuzohet për “Vrasje nga pakujdesia”.
Më 18 gusht, 19-vjeçari Nicola Loro, humbi jetën pasi u përfshi në një aksident me mjete uji në plazhin e Velipojës.
Loro, së bashku me një tjetër mik (kunatin) kishim marrë me qira dy Jet Ski dhe gjatë manovrave të rrezikshme në det u përplasen mes tyre. Si pasojë e plagëve të marra fatkeqësisht 19-vjeçari gjeti vdekjen në spital.
Vetëm disa orë pas ngjarjes Policia arrestoi 20-vjeçarin, i cili rezultoi të ishte edhe vëllai i të fejuarës së Nicola Loros.
