Pas aksidentit tragjik që i mori jetën dy fëmijëve në Durrës, familja e autorit të dyshuar, Nikoll Radaçi, është larguar nga banesa e saj në të njëjtën lagje ku jetonin edhe viktimat.
Sipas informacioneve, banesa e familjes është aktualisht e mbyllur, ndërsa largimi i tyre është bërë mbrëmjen e kaluar.
Burime nga Policia e Shtetit konfirmojnë se kanë shoqëruar këtë proces, me qëllim garantimin e sigurisë dhe shmangien e çdo tensioni të mundshëm në zonë, pas ngjarjes së rëndë që ka tronditur komunitetin.
Aksidenti, i ndodhur një ditë më parë, ka shkaktuar reagime të forta publike dhe dhimbje të madhe në qytet, ndërsa autoritetet vijojnë hetimet për zbardhjen e plotë të rrethanave.
