Edhe pse Zelensky është fytyra e heroizmit ukrainas jashtë vendit, në Kiev është gjenerali Valery Zaluzhny që drejtoi mbrojtjen në fillim të luftës. Vitin e kaluar, Zelensky e shkarkoi atë nga posti i tij dhe e emëroi ambasador në Londër. Megjithëse arsyeja zyrtare ishte një mosmarrëveshje mbi strategjinë ushtarake, shumë dyshojnë se presidenti e shihte atë si një rival për pushtet. Zaluzhni ka dhënë aludime të paqarta se një ditë do të kandidojë për postin.
“Kukulla” e Putinit
Oligarku ukrainas Viktor Medvedchuk ka qenë një ndërmjetës kryesor i pushtetit midis Kievit dhe Moskës për vite me rradhë. Ai ishte aq i afërt me Vladimir Putin, sa lideri rus u bë kumbari i vajzës së tij më të vogël. Ai u arrestua në vitin 2021 me dyshimin se mbështeti separatistët rusë. Ky veprim e zemëroi Putinin dhe u konsiderua si një nga shkëndijat për “operacionin e tij special ushtarak”, veçanërisht pushtimin e Ukrainës. Edhe pse atij i është hequr shtetësia ukrainase, Putini mund të insistojë që të lejohet të kandidojë në zgjedhje.
Ish-presidenti
Petro Poroshenko ishte presidenti i Ukrainës përpara Zelenskit, i cili erdhi në pushtet pas protestave në rrugë që rrëzuan qeverinë pro-Kremlinit të Kievit në vitin 2014. Miliarderi është gjithashtu pronar i Roshen, çokollatës më të shitur në Ukrainë. Ai premtoi gjatë mandatit të tij se do ta largonte vendin nga Moska përgjithmonë. Ai është ende politikisht ambicioz dhe shpesh viziton trupat në vijën e frontit.
Revolucionarja
Politikania më e famshme e Ukrainës, Julia Tymoshenko, ishte një figurë kryesore në protestën e parë të madhe kundër Kremlinit. Ajo u vlerësua ndërkombëtarisht si një kampione e demokracisë dhe u bë kryeministrja e parë femër e vendit. Ajo u dënua më pas me shtatë vjet burg për abuzim të dyshuar të pushtetit në lidhje me kontratat e gazit, për të cilat ajo thotë se ishte orkestruar nga rivalët pro-Kremlinit.
Boksieri
Kryetari aktual i Kievit, Vitali Klitschko , dikur ishte një nga boksierët më të suksesshëm në botë. Djali i një gjenerali sovjetik, i cili flet rrjedhshëm katër gjuhë, la një karrierë fitimprurëse sportive për politikën pak më shumë se një dekadë më parë, i vendosur për ta drejtuar Ukrainën në një rrugë pro-evropiane. Në fillim të luftës, ai u bë një simbol i fuqishëm i sfidës së Kievit dhe vizitoi fushat e betejës.
