Nga financat e Vatikanit tek sulmet nga SHBA, sfida të mëdha e presin Papën e Ri, ja përplasjet e vjetra me Trump

Papa i sapozgjedhur Leo XIV, i njohur më parë si Kardinali Robert Francis Prevost, përballet me një nga periudhat më komplekse në historinë e kohëve të fundit të Kishës Katolike. Pas vetëm dy ditësh konklave, kardinali amerikan me prejardhje spanjolle u emërua papë, duke u bërë papa i parë i lindur në Shtetet e Bashkuara.  Në moshën 69 vjeç, Leo XIV trashëgon një institucion me çarje të thella të brendshme, një reputacion ende të njollosur nga skandalet e abuzimit seksual dhe një mision urgjent për t’u përshtatur me një komunitet global në ndryshim.  Por përtej gjesteve simbolike, lista e sfidave që e presin është e gjatë dhe domethënëse. Mënyra se si Papa Leo XIV do t’i adresojë këto sfida do të përcaktojë jo vetëm trashëgiminë e tij, por edhe rrjedhën e katolicizmit në shekullin e 21-të.