Protesta kombëtare e opozitës do të mbahet nesër, më 28 shkurt, në orën 18:00 në Tiranë. Policia e Tiranës ka njoftuar se ka marrë masa për garantimin e rendit dhe sigurisë, duke angazhuar 1700 punonjës policie në terren.
Sipas njoftimit zyrtar, nga ora 15:00 deri në përfundim të tubimit do të bllokohet qarkullimi i automjeteve në:
- Bulevardin “Dëshmorët e Kombit”, nga kryqëzimi pranë Ministrisë së Brendshme deri te sheshi “Nënë Tereza”
- Rrugën “Ukraina e Lirë”
- Rrugën “Papa Gjon Pali II”
- Rrugën “Ismail Qemali”
Në varësi të zhvillimit të protestës, mund të ketë kufizime edhe në akse të tjera rrugore, ndërsa policia do të devijojë qarkullimin në rrugë alternative.
Autoritetet u bëjnë thirrje qytetarëve të shmangin lëvizjen me automjete në zonat e bllokuara dhe të raportojnë çdo rast të paligjshmërisë apo dhunës.
