Gjykata Kushtetuese u ka kërkuar SPAK-ut dhe avokatëve të Erjon Veliajt që deri më 27 shkurt të dorëzojnë parashtrimet e tyre në lidhje me kërkesën e kryebashkiakut për shpalljen si antikushtetuese të masës së sigurisë “arrest në burg”.
Sipas raportimeve, njoftimi është dërguar me shkrim, ndërsa javën e kaluar Gjykata vendosi ta kalojë çështjen në seancë plenare, duke e futur procesin në një fazë të re shqyrtimi.
Ndërkohë, Veliaj dhe 29 persona të tjerë kanë kaluar në gjykim themeli pas përfundimit të seancës paraprake që zgjati rreth katër muaj.
