Një moment i pazakontë është regjistruar gjatë seancës plenare në Kuvendi i Shqipërisë, ku deputeti i Partisë Demokratike, Klevis Balliu, është kapur nga kamerat duke përdorur ChatGPT për të përgatitur fjalimin e tij.
Sipas pamjeve, Balliu po kërkonte ndihmë nga inteligjenca artificiale për formulimin e fjalës që do të mbante në foltore. Në një moment, ai përpiqet të ulë ekranin e laptopit, në dukje për të fshehur atë që po bënte.
Episodi ka shkaktuar reagime dhe komente, duke rikthyer diskutimin mbi përdorimin e teknologjisë dhe inteligjencës artificiale në politikë, si dhe seriozitetin e përgatitjes së fjalimeve parlamentare.
