“Ka lidhje krushqie me ish-deputetin”/ Gazetarja: Bujar Shega i përfshirë në pastrim parash

Një ndër emrat kryesorë të bandës kriminale të Suel Çelës që u godit sot nga SPAK ishte i Bujar Shegës, i cili u arrestua në Milano

Shega është administrator i dy kompanive Viola Green dhe Wonder Green, të cilat kanë fituar tendera për pastrimin e disa qyteteve dhe Shega njihet për njohje dhe lidhje të forta në politikë.

Lidhur me këtë person, gazetarja Klodiana Lala, tha sot në emisionin Open se Bujar Shega ka lidhje të forta me politikën. Ajo trego se biznesmeni Bujar Shega ka një lidhje krushqie me ish-deputetin e PDIU-së, Aqif Rakipi.

“Bujar Shega ka një lidhje krushqie me ish-deputetin e PDIU-së, Aqif Rakipi. Ai është i përfshirë jo vetëm në çështjen e trafikut të drogës, por edhe pastrimit të parave. Ai ka dy kompani, ndërsa ka qenë ish-ortak me Zihni Demon, babain e Kryebashkiakut të Beratit“,- tha Lala.