Izraeli ka konfirmuar eliminimin e një tjetër zyrtari të lartë të Iranit, në kuadër të operacioneve të fundit ushtarake në rajon.
Sipas deklaratës së ushtrisë izraelite, Esmail Ahmadi, drejtues i inteligjencës në forcën paramilitare Basij, është vrarë gjatë një sulmi të kryer në fillim të javës.
Në të njëjtin operacion, sipas autoriteteve izraelite, u vra edhe Gholamreza Soleimani, kreu i kësaj organizate, vdekja e të cilit ishte konfirmuar më herët nga vetë Irani.
Sipas Forcat e Mbrojtjes së Izraelit, Ahmadi kishte një rol kyç në planifikimin e operacioneve dhe në aktivitetet e inteligjencës së Basij-it, si dhe në shtypjen e protestave të brendshme në Iran.
Nga ana tjetër, autoritetet iraniane nuk kanë reaguar ende lidhur me pretendimin për vrasjen e Ahmadi-t.
Zhvillimet e fundit pritet të rrisin më tej tensionet në Lindjen e Mesme, në një kohë kur situata mbetet e brishtë dhe me rrezik për përshkallëzim të mëtejshëm të konfliktit.
