Një automjet është shpërthyer me tritol në lagjen nr. 3 të Sarandës, dhe brenda tij është gjetur një trup i pajetë. Sipas burimeve lokale, i vdekur dyshohet të jetë Isuf Jaçaj, babai i Klaus Jaçajt.
Mësohet se pak javë më parë, edhe automjeti i Klaus Jaçajt kishte pësuar shpërthim, dhe ngjarja aktuale dyshohet se ka lidhje me konflikte të mëparshme që lidhen me administrimin e një plazhi në zonë. Hetuesit kanë rrethuar vendin e ngjarjes dhe po punojnë për të mbledhur prova, kamera dhe dëshmitë e banorëve për të zbuluar autorët dhe motivin e këtij atentati të rëndë.
