Atmosfera festive ka përfshirë selinë e Partia Demokratike pas përfundimit të procesit të votimit për kryetarin e partisë, ku kandidati i vetëm në garë ishte Sali Berisha.
Mbështetës të Berishës janë mbledhur në ambientet pranë selisë blu, ku nuk kanë munguar brohorimat, muzika dhe festimet për rezultatin që pritet ta konfirmojë sërish në krye të Partisë Demokratike.
Në pamjet e publikuara nga ambientet e selisë shihen simpatizantë të opozitës duke festuar me verë dhe ushqime simbolike, ndërsa e konsiderojnë votimin si një konfirmim të mbështetjes për Berishën pas një periudhe të gjatë tensionesh dhe përçarjesh brenda PD-së.
Sipas mandatit të ri që pritet të formalizohet pas shpalljes së rezultateve, Berisha do të vijojë të drejtojë Partinë Demokratike edhe për vitet në vijim, duke mbetur figura qendrore e opozitës shqiptare.
