Ish-ministri i jashtëm i Kosovës, Enver Hoxhaj, ka theksuar se vendi duhet të përqendrohet në tre prioritete kryesore: mbrojtjen, sigurinë energjetike dhe politikën e jashtme, në një kohë kur sfidat globale dhe rajonale po rriten.
Sipas tij, anëtarësimi i Kosovës në NATO është thelbësor për garantimin e sigurisë kombëtare. Hoxhaj u shpreh qartë se pa këtë hap, Kosova nuk mund të sigurojë mbrojtjen e saj në mënyrë efektive.
Ai theksoi gjithashtu rëndësinë e mbështetjes nga Shtetet e Bashkuara të Amerikës, duke e konsideruar rolin amerikan vendimtar për stabilitetin dhe sigurinë e Kosovës. Në këtë kuadër, Hoxhaj e cilësoi administratën e Donald Trump si një mundësi të favorshme për avancimin e interesave të Kosovës në arenën ndërkombëtare.
Duke folur për situatën në rajon, ai vuri në dukje se Serbia ka një buxhet mbrojtjeje më të madh se të gjitha vendet e tjera të rajonit së bashku, çka e bën edhe më të domosdoshëm forcimin e kapaciteteve mbrojtëse të Kosovës.
Hoxhaj theksoi se dialogu me Serbinë nuk ka garantuar siguri, duke përmendur edhe ngjarjet në Banjskë si dëshmi se tensionet mbeten të larta pavarësisht përpjekjeve diplomatike.
Në këtë kontekst, ai vlerësoi Shqipëria si një partner strategjik kyç për Kosovën, ndërsa nënvizoi rëndësinë e bashkëpunimit me fuqitë e mesme si Mbretëria e Bashkuar dhe Gjermania, në një rend global gjithnjë e më të pasigurt.
