Dokumente të reja hetimore kanë rihapur dyshimet mbi rrethanat e vdekjes së Jeffrey Epstein, duke vënë në pikëpyetje versionin zyrtar të vetëvrasjes. Sipas materialeve të deklasifikuara, pamje sigurie tregojnë një figurë të veshur me uniformë portokalli që ngjitet drejt katit ku ndodhej qelia e tij, në orët e vona të natës para se ai të gjendej i pajetë.
Autoritetet pranojnë se dy kamerat kryesore që monitoronin zonën nuk funksiononin në momentin kritik, ndërsa ora e saktë e vdekjes nuk është përcaktuar kurrë. Këto mospërputhje bien ndesh me deklaratat e mëparshme zyrtare se askush nuk kishte hyrë në zonën e qelisë atë natë.
Zbulimet e fundit shtojnë dyshimet se rasti nuk është zbardhur plotësisht dhe kanë ringjallur thirrjet për një hetim të ri, të pavarur dhe transparent mbi një nga vdekjet më të dyshimta në sistemin penal amerikan.
