Kreu i Partisë Demokratike, Sali Berisha, ka akuzuar kryeministrin Edi Rama si autorin kryesor të aferës Balluku–AKSHI, duke e cilësuar qeverinë si të përfshirë në skandale të rënda korrupsioni që, sipas tij, po tronditin themelet e shtetit.
Gjatë një konference për mediat në selinë e PD-së, Berisha u shpreh se skandali i AKSHI-t është dëshmi e qartë e kapjes së institucioneve nga pushteti dhe se Rama po përdor çdo mjet për të bllokuar drejtësinë dhe për të mbrojtur zyrtarët e përfshirë.
Ai theksoi se opozita ka gjetur mbështetje dhe mirëkuptim edhe në arenën ndërkombëtare, ndërsa paralajmëroi se reagimi qytetar do të jetë i fuqishëm. Sipas Berishës, protesta e radhës do të jetë më e madhja që ka njohur Shqipëria, si përgjigje ndaj korrupsionit dhe, siç e quajti ai, “aktit puçist” të qeverisë për të bllokuar institucionet.
Në fund, Berisha ftoi opozitën dhe qytetarët të mos ndalen, duke deklaruar se beteja kundër korrupsionit do të vazhdojë deri në fund dhe se shpresa e vetme për ndryshim mbetet reagimi i fortë qytetar.
