Në Vlorë, policia ka arrestuar në flagrancë një 35-vjeçar, pasi gjatë kontrollit në banesën e tij u gjetën municion luftarak dhe lëndë plasëse.
Sipas njoftimit zyrtar, shtetasi Aldo Collari u vu në pranga pasi në shtëpinë e tij u sekuestruan 158 fishekë luftarakë dhe një kallëp lënde plasëse, e dyshuar si tritol.
Operacioni u realizua mbi bazën e informacioneve të siguruara në rrugë operative nga strukturat e policisë, në kuadër të goditjes së veprimtarive kriminale.
Ndaj 35-vjeçarit rëndon akuza për veprën penale:
“Mbajtja pa leje dhe prodhimi i armëve, armëve shpërthyese dhe municionit”.
Materialet procedurale i janë referuar Prokurorisë së Vlorë, e cila do të vijojë hetimet për zbardhjen e plotë të rastit.
