Agjencia Ndërkombëtare e Energjisë Atomike (IAEA) njoftoi se ka ndërmjetësuar një armëpushim të përkohshëm lokal mes Ukrainës dhe Rusisë për të mundësuar rivendosjen e furnizimit me energji në centralin bërthamor të Zaporizhias.
Sipas Drejtorit të Përgjithshëm të IAEA-s, Rafael Grossi, ky është armëpushimi i pestë lokal i negociuar nga agjencia, me qëllim kryerjen e riparimeve në linjat e energjisë që furnizojnë centralin.
Më herët, katër marrëveshje të ngjashme kanë lejuar realizimin e pesë ndërhyrjeve teknike në infrastrukturën energjetike të lidhur me centralin, i cili mbetet një pikë kritike për sigurinë bërthamore në rajon.
