Gjykata e Posaçme e Apelit për Korrupsionin dhe Krimin e Organizuar ka rrëzuar kërkesën e Erion Veliajt për ndryshimin e masës së sigurisë “arrest me burg”.
Në vendimin e shpallur më 24 shkurt 2026, trupi gjykues monokratik i drejtuar nga gjyqtarja Nertina Kosova miratoi vendimin e shkallës së parë, duke lënë në fuqi masën e arrestit.
Veliaj kishte kërkuar zëvendësimin e masës me “garanci pasurore” ose “detyrim paraqitjeje”, por kërkesa e tij nuk u pranua. Seanca u zhvillua me dyer të mbyllura, ndërsa ai kishte kërkuar të ishte vetë i pranishëm.
Kjo vjen pasi edhe në shkallën e parë kërkesa për ndryshimin e masës ishte refuzuar, ndërsa javën e kaluar Veliaj dhe 29 të pandehur të tjerë kaluan për gjykim themeli.
