Zv/kryeministrja Albana Koçiu deklaroi se qeveria shqiptare synon që brenda këtij viti të nisë diskutimet për 10 kapitujt përmbyllës në procesin e negociatave me European Union.
Në një deklaratë për mediat pas mbledhjes së qeverisë, Koçiu bëri me dije se ekzekutivi ka miratuar dy vendime të rëndësishme në kuadër të procesit të integrimit europian dhe bashkëpunimit ndërkombëtar.
Sipas saj, është miratuar:
- udhërrëfyesi kombëtar për arritjen e objektivave të zhvillimit të qëndrueshëm 2030;
- si dhe partneriteti strategjik mes qeverisë shqiptare dhe agjencive të United Nations për periudhën 2027–2031.
“Qeveria miratoi sot udhërrëfyesin kombëtar për arritjen e objektivave të zhvillimit të qëndrueshëm 2030. Në të janë 65 kritere të matshme që do të orientojnë punën e institucioneve publike. Gjithashtu u miratua partneriteti strategjik mes institucioneve shqiptare dhe agjencive të Kombeve të Bashkuara për vitet 2027-2031”, u shpreh Koçiu.
Duke folur për procesin e integrimit, zv/kryeministrja tha se Shqipëria po pret rekomandimet që do të dalin pas Konferencës së 8-të Ndërqeveritare dhe se më pas do të nisë diskutimi i detajuar me palën europiane për detyrat dhe kriteret që duhet të plotësohen.
“Ne jemi duke punuar dhe pas përfundimit të Konferencës së 8-të Ndërqeveritare presim rekomandimet për kushtet përmbyllëse. Aspirata është që brenda këtij viti të kemi filluar diskutimet për 10 kapituj. Duhet të ulemi në tryezë me palën europiane për të diskutuar një nga një të gjitha detyrat dhe rekomandimet”, deklaroi Koçiu.
