94 tonë produkte bujqësore dhe blegtorale janë bllokuar, gjatë kontrollit në terren, në kuadër të aksionit kombëtar për formalizimin dhe sigurimin e gjurmueshmërisë së produkteve nga grumbulluesit, përpunuesit dhe tregjet me shumicë.
Ministria e Bujqësisë bën me dije se rezultatet e deritanishme nga ky aksion dhe këto kontrolle synojnë rritjen e sigurisë ushqimore në vend.
Sipas Ministrisë, aksioni vijon për të garantuar që çdo mall të jetë i gjurmueshëm dhe i deklaruar dhe që askush të mos tregtojë në shkelje të legjislacionit tatimor dhe në kurriz të prodhuesve të ndershëm dhe shëndetit të konsumatorëve
