Kryetari i Partisë Demorkatike Sali Berisha, ka reaguar në lidhje me dënimin me 1 vit burg të deputetit Ervin Salianji.
Përmes një postimi në rrjete sociale, Berisha e cilëson vendimin e gjykatës për Salianjin si një akt hakmarrjeje të verbër dhe një goditje të rëndë për demokracinë në vend
Kreu i PD akuzon kryeministrin Edi Rama, për orkestrimin e këtij dënimi si pjesë e një sulmi të qëllimshëm kundër opozitës.
Berisha bën thirrje për mosbindje civile, duke e cilësuar këtë akt si një sulm ndaj pluralizmit politik dhe opozitës në tërësi.
Postimi i plotë i Berishës:
Edi Rama, Geron dhe Fatzi Xhafa dënuan sot deputetin Ervin Saljani!
Deklaratë e Partisë Demokratike.
Sot në luftën e shpallur ndaj opozitës, Edvin Kristaq Rama dënoi me burgim politik deputetin e opozitës Ervin Salianji për betejën e tij guximtare kundër Edi Ramës dhe narko-shtetit të tij.
Sot Ervin Salianji u dënua nga Edi Rama, Geron dhe Fatzi Xhafa në një akt hakmarrje të verbër politike për faktin e vetëm se deputeti Salianji vërtetoi lidhjen dhe veprimtarinë kriminale të narko-trafikantit ndërkombëtar vëllait të Fatmir Xhafës, ministër trafikant, dhe Edi Ramës kreu i narko-shtetit shqiptar. Dënimi i sotëm i Ervin Salianjit dëshmon se në këtë vend droga dhe krimi i lidhur me qeverinë janë vendim-marrësit kryesorë në narko-shtetin shqiptar.
Partia Demokratike dënon me forcën më të madhe këtë akt politik të shëmtuar të Edi Ramës dhe narko-shtetit të tij kundër Partisë Demokratike, opozitës dhe pluralizmit politik në Shqipëri si dëshmi e terrorit të egër ndaj opozitës për Partinë Demokratike, për çdo demokrate dhe demokrat, për çdo opozitare dhe opozitar, ky akt është një kushtrim, është një SOS të ngrihemi në mosbindje civile: “O sot, o kurrë” kundër Edi Ramës dhe narko-diktaturës së tij.
