Shqiptarët e diasporës u mblodhën edhe këtë të shtunë në Nuremberg të Gjermanisë, ku zhvilluan një protestë në mbështetje të protestave që po mbahen në Tiranë.
Me pankarta dhe thirrje kundër qeverisë, pjesëmarrësit deklaruan se i bashkohen kërkesave të qytetarëve që protestojnë në Shqipëri, duke kërkuar ndryshim, llogaridhënie dhe dëgjimin e kërkesave të ngritura në protestat e kryeqytetit.
Sipas organizatorëve, tubimi kishte për qëllim të shprehte solidaritetin e diasporës me protestuesit në Shqipëri dhe të përcillte mesazhin se shqiptarët jashtë vendit mbështesin angazhimin qytetar për ndryshime.
Protestuesit theksuan se mobilizimi i diasporës do të vijojë edhe në ditët në vazhdim, duke e cilësuar pjesëmarrjen e tyre si një kontribut në mbështetje të protestave që po zhvillohen në Tiranë.
